Tajr Tal-Karti

  Hi.   Tinbidel fi statwa tal-ġebel, U jieklok il-melħ xħin tħares lejha Jien Inġorru fil-bażakka Bla qatt ma nħares lejha. Issir l-arma qattiela Jekk jien ninqeda biha. Jekk tħares lejha minn ġo mera Taf issib il-ħajja eterna Taf issib li tista’ ttir Bil-qorq tal-ġwieneħ U ġġorr miegħekil-ħeffa Tar-riħ u s-sħab U tat-tfulija.   Alfred Grech 25/09/2025

  Hi Biss.   Hi biss tista’ tingħaraf għax li kieku Kien hemm min jittawlilha kienet tibqa’ Bla biss ma ħadd ikun jaf fejn hi qiegħda.   Illum ma ħaġitx tgħarrex bħalma s-soltu Taħt xemx ta’ nosfinhar qalb ħafna storbju Fl-uċuħ tan-nies biex tgħaraf lilha nfisha.   Alfred Grech 24/09/2025.

    Bla Ritmu.   U jista’ jkun ukoll li nista’ ngħix Bla ritmu u noħroġ barra mill-kuntest Kull xħin inlissen kelma mqansħa. Iżda t-tifsir ta’ dak li ngħid Mhux biss jidher fil-wiċċ Inkella fil-bixra li tingħata Mad-daqqa t’għajn.   Hekk ħassejtni llejla Irrid intir fuq gwienaħ l-alfabet Mingħajr tifsira Għaliex tifsira tagħti biss Ir-ruħ li tifhem Meta tmiss mal-art.   Alfred Grech 23/09/2024. 

  The Joys of The Flesh.   The Joys of the flesh are captivating, I can see my other self Through the mirror of your eyes Your fire burns more brutally As we approach the threshold Of the sublime   I wanted to navigate Through the unholy waters of your desires But now I find that I am caught Between the straitsof Scylla and Carybdis. I tried to reproduce myself And rewrite my feelings Because I thought they were The messages of the Almighty.   Alfred Grech. 23/09/2025.

  Kont Kemm Il-Darba .   Kont kemm il-darba nibni pont bejnietna Biex għad xi darba nnaqqas id-distanzi, Għax tabilħaqq, il-bogħod hu bogħod li jqarraq Jekk ngħixu ma xulxin u mank niftiehmu.   Jien xtaqt li ma ngħaddix mill-ilma mdardar, Mit-tajn tas-sotterran mudlam u minsi, Iżda malajr intbaħt li jien kont ħloqtu Kull meta flok ma nżilt jien bqajt naħarbek.   Issa fost it-tifrik li hemm madwari, Li lanqas biss ma naf minn fejn se nibda, Inħossni dgħajjef wisq: inħossni waħdi, Imdawaar biss mill-baħħ tan-nuqqas tiegħek.   Alfred Grech 22/09/2025 

  Kien Dakinhar.   Kien dakinhar li niżel is-siparju Xħin ġejna wiċċ imb’wiċċ mal-mafkar tiegħek, Malajr imbagħad stenbaħna u sirna nafu Xi ssarraf int, xi tfisser kont għalina.   Kien dakinhar li ntbaħna u ħadna dehxa Bħal statwa tal-irħam petrifikata, Malajr imbagħad staqsejna x’kien sar minnha Il-lirika li darba konna ngħannu.   Kien dakinhar u wara xejn ma sewa’ Li bdejna nħossu tqila t-telfa tiegħek Minn wara l-kwinti ġrejna biex inħaddnu Id-diwi u t-tamiet ta’ kull stedina.   Alfred Grech 18/09/2025.

  Infittxu x-Xemx.   Ifittxu x-xemx fuq għoljiet ħodor Iżda ħlief ħars jiena ma sibtx Jilqħuni fuq dil- gżira.   Fittixta qawsalla fi  ħbub għajnejk iżda l-ferrovija tal-imgħoddi Ġarritni magħha.   Issa bdejt nifed iċ-ċpar Infittex leħnek U nerġa’ niskopri l-ħmura ta’ filgħodu.   Alfred Grech 14/09/2025    

  Staqsihom Lill-Maltin .   Staqsihom lill-Maltin kif iħossuhom, Bħal min xi ħadd ikun daħlilhom f’darhom Mingħajr ma jkun mistieden, bla twissija U f’daqqa waħda jsir barrani f’darhu.   Staqsihom lil Maltin kif fdaqqa waħda, Żgħira saret din l-art għan-nies ta’ fuqha Kien hemm min issa ħolom biex inżidu l-art li nirfsu biex nieħdu ftit mill-baħar.   Għidilhom lill-Maltin li lanqas baqa’ Fost dawk l-għorrief li jippuppaw sidhirhom M’għandu l-kuraġġli jolqot il-kuxxjenza U jgħid dak li kulħadd jixtieq li jisma’.   Alfred Grech 13/09/2025.

  Għalxejn Qed Nittamaw.   Għalxejn qed nittamaw li għad xi darba Dal-barranin li ġibna ma saqajna Jitilqu bla ma jħallu ebda marka Ta’nisilhom u dak li ġabu magħhom.   Hawnhekk ġew dawn biex jibqgħu jgħix maghna. Inisslu, jkatru u jieħdu l-isem tagħna U żmien bi żmien għad jokrtu aktar minna Malajr se nssibu ruħna f’minoranza.   Ngħid dan mhux għax jiena xi razzista U la taħsbux li jiena xi purista Imma jekk joqgħod wieħed janalizza Jistaqsi x’se jsir minnu n-nisel Malti.   U l-mistoqsija aħna qed nagħmluha. Aħna li ta’ kuljum il=-pis inġorru Għax min suppost imexxi u jiggwidana Ma jimpurtaħx, jixxala’ mnn fuq daharna.   Għalxejn qed nittamaw li dawn jitilqu Hawnhekk ġew dawn biex jibqgħu jgħammru magħna Kollox imbidel xejn li kien ma baqa’ Kollox imur għall-agħar, u żdied il-kaos.   Għal min qed tikber din l-ekonomija Għall-ftit li ta’ kull darba jħaxxnu bwiethom Bil-kemm iż-żgħir ilaħħaq qed ...

  Irridu u ma rridux.   Irridu u a rridux ikollna ngħidu Li t-triq illi fassalna issa qsaret, Il-passi illi qabel kienu mgħaġġla Issa tqalu tassew u jixbħu ħafna Lill-dawk ta’ min iġorr l-imgħoddi miegħu.   Irridu u ma rridux issa noqorbu Qiegħdin lejn dak ix-xifer illi qabel Ma ridna naħsbu dwaru qatt għax konna Ħsibna li tagħna din mhijiex ix-xorti; U ħsibna li tagħna qatt mhu sejra tasal.   Alfred Grech 09/09/2025

  It-TmiejaTa’ Settembru   It-Tmieja ta’ Settembru reġa’ magħna. Parati, talb u pompa tal-ġurnata, Bħall-kieku din fuq l-għadu kienet rebħa, l-għadu li ma jidhirx, l-għadu mistoħbi.   Sfilata qaddisin, tofei u bnadar, Sabiex il-pass tal-ħajja wieħed jinsa, Fil-briju l-paniġierku u fil-murtali U fit-trunċieri l-gwerra tħażeż linja.   Evviva l-festa, stemmi u pavaljuni, Ir-rebħa tagħna taħt das-sema mqadded, B’risq it-trijonf fuq dahar l-ikkalpestati Fuq pedestal jitbissem is-sarkażmu.   Alfred Grech 09/09/2025    

  Lil Anna .*   Tista’ tibda tistagħġeb bil-mewt Issa li ċ-ċens għalaqlek U mhemm ebda tama Li l-iħirsa jitħaxknu fix-xquq Jew li d-dellijiet ikarkru fit-toroq. Taħsibx li se tifdi jum ieħor Issa li l-bieb miftuħ U tista’ tara lilhinn mix-xifer, Int l-aqwa li tistenbaħ. Tibżax, jista’ jkun  mal-qabża fid-dlam Titwieled kewkba ġdida Is-sogħoba tagħna sejra tkun Li ma tistax tgħidilna Ma min iltqajt matul il-vjaġġ.   Alfred Grech 02/09/2025.   *Ruħ li għada kemm alliet dal-wied tad-dmugħ. Kondoljanzi lil familja kollha.  

  Is-Sensazzjoni Tibqa’ Mingħajr Leħen .   Is-sensazzjoni tibqa’ mingħajr leħen Iżda fis-skiet tkun tista’ tagħmel għażla Jien naqta’ nifsi xħin tiżfinli tiġi, U titfa’ qtar ta’ seħer kontra d-dija.   Imriekeb li salpaw f’nofs maltempata, Din tagħna melodija taħt il-qamar U terġa’ lili tagħti ħajja ġdida Ġo ġuf l-eternita’ insibek kewkba.   Jien nara x’nista’ niġbor milli baqa’, Biċċiet li jaqgħu fl-art , xbiegħat il-frugħa U nara kif infittex dizzjunarju Bil-kliem li tista’ tinseġ għanja ġdida.   Alfred Grech 01/09/2025