Posts

Showing posts from September, 2026
Image
  Wied L-Infern.   Lilhinn mill-agħa tal-folla Ix-xewqat li qatt ntilfu Jirgħu u jitlajjaw fil-kesħa ta’ Wied l-infern.   Lilhinn mill-agħa tal-folla Il-baħar jimla’ u jofroħ Bħal sider tiegħla u nieżel Mal-hoss ta’ qalb qed tħabbat.   Għax xejn ma joqgħod kwiet U ħadd ma jibqa’ wieqaf In-nies titħabat dejjem U l-ilma tal-gelgul Jintona ż-żmien għaddej.   Irrid immur x’imkien Fejn is-seħer iberred id-dieqa Inġazzata ġewwa sidri Il-bogħod min-nies Li jagħmlu l-ħajja daqshekk tqila Fejn l-aħħar raġġi tax-xemx fietla Imellsu ’l-ruħi.   Alfred Grech 24/09/2026  
Image
  Tibqa Int.   Imqar jekk ma tajtnix Biċċa mid-drapp tiegħek Xorta waħda bqajt insibek f’nofs l-eklissi Ta’ dawk il-ħsibijiet Li jfeġġu xħin kollox hu mitluf.   Inkun tliftek f’nofs l-eternita’ Ta’ vjaġġ lli qatt ma beda Jew f’laqgħa ta’ bejnietna Li baqgħet qatt ma saret.   Iżda tibqa’ int il-bewsa mmaġinarja F’kull xewqa qatt milħuqa Bnejtli l-binja tal-ħolm tiegħi.   Alfred Grech 25/09/2026
Image
  Ħallieħ Ħa Jgħaddi ż-żmien.   Hallieħ ħa jgħaddi ż-żmien Xmara li qatt ma tistaqsik Jekk intix lest taqsamha.   Tiġrix wara l-kurrent Lanqas tħaqqaqha mal-minutiera tal-arloġġ Imqar għal siegħa waħda Lanqas għal darba biss ma trid tistħajjel Verżjoni ġdida għalik innnifsek.   Ħalliħ ħa jaqa’ r-ramel Minn bejn subgħajk Iġorru l-ħsibijiet tal-bieraħ U l-għeltijiet tal-għada.   Għax ix-xemx titla’ Imqar jekk tibqa’ rieqed Il-weraq jaqa’ Imqarr jekk ma ssellimx Imqar jekk tibqa’ sieket   Ħallieħ ħa jgħaddi ż-żmien Filwaqt li tikkuntempla Id-dawl jitkaxkar mal-art Il-kitla tibda ssaffar U r-radju tal- ġar tiegħel Li ma jistaqsix Jekk tridx tisimgħu.   Ħallieħ iż-żmien għaddej Bħal ferrovija li ma tilħaqx Int ibqa’ hawn Tixtarr l-għabra tgħum fir-raġġ tad-dawl Terfa’ t-toqol ta’ ġismek Ankrat ma dan il-waqt.   Inti mintix megħlub Għax jista’ jkun li hekk Għad tista’ tasal X’imkien.   Alfred Grech ...
Image
  Hi biss .   Hi biss tista’ tingħaraf Għax kieku ma kienx hemm min jittawlilha Kienet tibqa’ Bla ħadd ma jkun jaf biha.   Ma ħarġitx illum tarax! Taħt ix-xemx ta’ nofsinhar Qalb l-istorbju tal-vetturi Biex tagħraf lilha nfisha.   Alfred Grech 10-09-2026.