Għadni nisma’ l-mużika tiegħek

Għadni nisma’ l-mużika tiegħek, avolja m’għadekx hawn.

Mhijiex xi kanzunetta fuq ir-radju imkella fuq cd. Huwa dak il-ħoss żgħir min taħt l-ilsien li kont tagħmel bla tintebaħ, tgħanni xi melodia waqt li kont ħdejn is-sink, aktarx stunata, iżda konvinta għal kollox li kont sejjra tajjeb.

Il-fwieħa tiegħek għadha hawn ukoll, imma mhux fejn kont ħallejtha. Qiegħda fil-kuritur fis-sitta ta’ filgħaxija, fil-kmiem ta’ sweater li għadni ma ħsiltx, mhux għax insejt, imma għax ftakart.

Xi kultant niftaħ kexxun u f’daqqa waħda kollox jerġa’ jiġi — int, ħajja, tiddi mal-bieb, issejjaħli b’ismi, kif kont issejjaħli int biss.

Naf li tlaqt. Alla biss jaf kemm naf. Imma d-dar għadha ma tafx bl-aħbar. Il-s-pultruna għada tistenniek toqgħod fuqha. L-arja għadha tistenna leħnek.

U bil-lejl, meta fl-aħħar jiskotkollox, nista’ nisimagħek — mhux xi hares, mhux xi logħba tal-moħħ — imma dik il-parti minnek li tant kienet tħobb il-mużika, li webbset rasha ubaqgħet u baqħet hawn biex tkompli l-kanzunetta għalija.

 

Alfred Grech

18/10/2026

 

 

Comments

Popular posts from this blog