Ksssandra.

 

Trid tmur lilhinn mis-swar ta’ Trojja

Biex tistaħba mill-allat

Biex tisma’ l-kliem minn taħt l-ilsien

Irjieħ tan-nar u qilla li għad tiġi

Jibilgħu torrijiet bħal ilsna tal-maħbuba.

 

Jien ma niskirx biex ninsa’ jew biex naħrab

Għax dejjem nerġa’ niġi minn fejn tlaqt.

 

Għajnejha jgħarfu dak li ħadd ma jara

Leħinha ta’  ċawlun maħnuq

Kulħadd jiddieħaq, jissiġilla l-qirda

U hi triq twieżen pis li ma tiflaħx.

It-twissijiet minn qalb iċ-ċpar

s-saħta tal-profeta

iżda f’irmied is-skiet iwerżaq

jiltewa l-ġejjieni għal min irid jisma’

tard wisq, dejjem tard wisq

bħall-lament ta’ kull poeta.

 

Alfred Grech

11/04/2026.