Għaliex Intefa' N-Nar?

 

Għaliex intefa’ n-nar?

Spiċċalu  l-ħatab u l-ġamar qed idub

Taħt il-gradilja velu ta’ rmied iswed.

 

L-irmied hu kollu ħolm

Il-ħolm li għexna

Il-marki tas-saqajn fuq xatt il-baħar

Tlissin minn taħt l-ilsien

Imnaqqax fuq il-blat mikul bir-raxx.

 

Għexnihom il-waqtiet

Fis-skiet tal-għabex

Itektku qsim il-qalb b’ għasliġ ta’xwejjaħ

Bit-tama illi xrara tieħu l-ħajja

U tkebbes mill-ġdid fina l-ħerqa

Li jaf għadamna.

 

Għaliex in-nar intefa’?

l-irmied ma jarmix sħana

il-ġamar diwi biss f’widejn it-torox

u d-duħħan miti jitgħawġu

Li jiżolqu bejn  is-swaba

biex għad mill-ġdid noħolmu

li tkebbes reġa’ n-nar.

 

Alfred Grech

26/03/ 2026.