M’hemmx Isbaħ.

 

M’hemmx isbaħ minn titjira b’dawk il- ġwienaħ

Li rabbejt, jew li ħdimt bin-nifs li tajtni,

Biex inħossni hekk ħafif sabiex nisfida

Imqar ix-xemx li naf li ser taħraqni.

U kbira tkun il-waqa’ minn dak l-għoli

U naf li ħadd ma jiġi biex jiġborni.

Ma jimpurtax! Inkun irbaħt il-biża’

U ħriġt minn ġo qoxorti għall-wiċċ i-beraħ.

 

Is-sħab inħobb għaliex is-sħab bla sura,

Is-sħab li jiġri qisu żiemel sfratta

U jieqaf ċass bħalkieku jrid jinkwadra

Biex tilmaħ fiħ il-forom li trid tara.

 

Alfred Grech

08/02/2026