Ir-Ramel tad-Deżert Minn Bejn is-Swaba.

 

Ir-ramel tad-deżert minn bejn is-swaba

Jiżżerżaq, bħal waqtiet kull meta jmutu,

Iddur f’ċirku vizzjuż il-minutiera

U l-passi jibqgħu ħfief bla ma jintilfu.

 

Ix-xefaq li għażilt qatt mhu ser jidher

Fil-mirja mitlufin is-snin moħlija,

Bħal karti li jiltwew bla ma jinkitbu

Bħal vjaġġ tas-skiet li mkien mhu ser iwassal.

 

F’dal baħar qiegħed hemm xi ħaġa turi

Li l-ħemda hi bla qiegħ, mimlija mostri,

Il-ħin għaddej mhuwiex ħlief illużjoni

Tal-ħajja dejjem tidwi mingħajr mira.

 

Xi darba għad irid jitla’ das-siparju

U l-verita’ moħbija f’dal kalvarju.

 

Alfred Grech

15/07/2025