Kien Ħieles.

 

Ħieles kien bKien Ħieles.

 

Ħieles kien bħal farett li jrid jittajjar

Bil-mod mill-fosdqa ħareġ sbieħ il-għodwa,

Is-sema kien miftuħ, nixxiegħ tgelgel

Pass, pass fuq il-ħaxix, kien jimxi ħafi.

Pitazz li għadu vojt, xefaq iberraq,

Il-fjamma illi tixgħel fl-aqwa tagħha

Kien żiemel illi sab fejn jista’ jimraħ.

Mhux mill-uġih ġie jibki f’din id-dinja

Iżda mit-terrimot  ta’ nifs u spazju.

Wiret ir-riħ u tul il-mixi tiegħu

It-triq bdiet tmejjel rasha hu u jimxi.

 

Il-mixi ta’ kuljum, arloġġ itektek

Il-ktajjem bdew jankrawħ, ħadid jissaddad,

Id-dlam fuq il-ħitan, il-griż tas-sema

Malajr sar dak l-iljun magħluq ġo gaġġa.

Sikkina ma taqtax, siġra milwija

Għax għażel iż-żarbun minflok il-ġwienaħ.

Minflok titjir glorjuż, għażel il-mixi,

U l-jiem kantun fuq ieħor jgħattu s-sema.

 

Issa, siġġu jitbandal hdejn xi tieqa,

Għax kollox sar duħħan, xejn ma kien baqa’

Il-kotba fuq l-ixkaffa kollha susa,

Għaliex fi nżul ix-xemx kull fergħa għarwiena.

 

Illum jimxi bil-mod mhux għax hu dgħajjef

Iżd’għax kemm kien ħafix issa jiftakar.

 

Alfred Grech

28/05/2025ħal farett li jrid jittajjar

Bil-mod mill-fosdqa ħareġ sbieħ il-għodwa,

Is-sema kien miftuħ, nixxiegħ tgelgel

Pass, pass fuq il-ħaxix, kien jimxi ħafi.

Pitazz li għadu vojt, xefaq iberraq,

Il-fjamma illi tixgħel fl-aqwa tagħha

Kien żiemel illi sab fejn jista’ jimraħ.

Mhux mill-uġih ġie jibki f’din id-dinja

Iżda mit-terrimot  ta’ nifs u spazju.

Wiret ir-riħ u tul il-mixi tiegħu

It-triq bdiet tmejjel rasha hu u jimxi.

 

Il-mixi ta’ kuljum, arloġġ itektek

Il-ktajjem bdew jankrawħ, ħadid jissaddad,

Id-dlam fuq il-ħitan, il-griż tas-sema

Malajr sar dak l-iljun magħluq ġo gaġġa.

Sikkina ma taqtax, siġra milwija

Għax għażel iż-żarbun minflok il-ġwienaħ.

Minflok titjir glorjuż, għażel il-mixi,

U l-jiem kantun fuq ieħor jgħattu s-sema.

 

Issa, siġġu jitbandal hdejn xi tieqa,

Għax kollox sar duħħan, xejn ma kien baqa’

Il-kotba fuq l-ixkaffa kollha susa,

Għaliex fi nżul ix-xemx kull fergħa għarwiena.

 

Illum jimxi bil-mod mhux għax hu dgħajjef

Iżd’għax kemm kien ħafix issa jiftakar.

 

Alfred Grech

28/05/2025