Int.

 

Tintilef ħarstek għad lilhinn mix-xefaq

Mal-ħsejjes adulanti tal-mewġ ħieles

Imqar tkun bastiment bla qlugħ u mqadef

Tittama li se tasal f’tarf id-dinja

F’dan l-oċean u l-baħħ tal-eżistenza.

 

Int ċiklu ta’ ġrajjiet bla tmiem, bla bidu;

Int żmien, int riħ li jqanqal il-wiċċ ħiemed

Kull mewġa li tgħaddik tgħid ġrajja ġdida

Mitlufa f’nofs ta’ baħar ta’ bla xefaq

Biex terġa’ lura tkejjel minn fejn telqet.

 

Alfred Grech

30/11/2024