Versi Fuq Stil ta’ Ħafiż

 

“E il mio discorso più bello e più denso
Esprime con il silenzio il suo senso”

(L’Arcobaleno,  Giulio Rapetti (Mogol))

 

Fuq xefaq il-lejl jiddi l-qamar

Bħal tislima mqaddsa

Ġo dinja ta’ tbatija.

Fuq l-għatba ta’ qalbi

Xuftejk jagħmlu ħoss ħelu

U mħabbtek bħal rixa

Tintrefa ’l-fuq mar-riħ

Ħafifa.

 

Għax tiġi bħal dawl perpetwu

Moħbi minn kull għajn

Bħal ħolm ta’ xi qaddis.

Min jgħid li l-imħabba mhix tassew

Qatt ma rak u qatt ma sema b’ismek

Lanqas ma ħass is-ħana tal-ferħ tiegħek.

 

Kull ġawgħra fid-dinja

Mera t’għajnejk

Li jilmgħu ċar fid-dlam tal-lejl.

Kull nifs mimli ħlewwietek.

 

Irrid infittxek

Irrid nimxi ma taħbit qalbek

Għax jien kont trab

Iżd’inti ilma ġieri

Li ssaqqi ruħ imxenqa

l-eternita’ moħbija f’għajn ir-ruħ.

 

Alfred Grech

02/10/2024.