Solitudni.

 

Din hija solitudni tal-iktar sajf sħun

Deżolazzjoni ta’ xemx f’mergħat ir-ruħ

Din hija solitudni tal-eżistenza

Li tiswa’ daqs in-ngħas li jibża miż-żenieq

Insett li għadu ma ħariġx mill-fosdqa

U jaħseb li kull ilma sar misħun

Ta’ moħħ illi jintebaħ b’dak kollu

Li għad iseħħ

Vleġġa li tgħaddi mit-toqba

Ta’ muftieħ l-eternita’

U l-mera li qed tistenna

Li tkun żverġnata

Taħt is-siġra ta’ ġnien

Fejn l-imħabba għad triq tgħix.

 

Alfred Grech

08/09/2024.