Aħjar.

 

Nixtieq li ma jkun qatt li tibqa’ sejra

Dix-xmara, ma tieqafx u dejjem tbiddel

Jekk tieqaf għal waqt wieħed bla tiżgarra

Issib li mqar id-dinja daret dawra.

 

Qatt ma jispiċċa ż-żmien fejn tista’ tqatta’

Sigħat bla taħseb xejn u lanqas tfassal

Ġejjieni ieħor, taħseb li xi darba

Għad tista’ tbiddel żrara milli ġara.

 

Għalhekk, qalil minn sawwar din il-ħajja

Jew qassam dak iż-żmien li darba seraq,

Aħjar ma ħoloq xejn, dak li kien baqa’,

Dil-ħolma ma ħlomniex u qatt ma smajna.

 

Alfred Grech

05/05/2024.