Sbieħ Il-Jum.

 

Imdellel il-wied

Fejn jaqgħu il-kaskati ta’ kliem li ma tlissinx

U s-sema tat-trapass

Idoqq il-qniepen.

 

Id-dwejjaq t’għodwa ġdida

Bħall-liżar il-kefen

Iġeżwer iċ-ċpar ta’ t’April.

 

Subgħajh kiesħa sbieħ il-jum

Bħall-ilma tal-widien

Biex ifittex jitfi l-fjamma

Ta’ kull ħolma

U jlibbes b’mantell iswed

Lix-xewqat li jitwieldu.

 

Hemm volumi kbar ta’ kliem li jrid jingħad

U oċean bla tarf għal min ibaħħar.

 

Xewk inigges is-sogħoba

Bħal weraq tal-ħarifa

Li tilfu l-ferħ li jgħixu

Li dardru is-skiet li jaqa’

Fil-ġnien fejn lanqas għadek

Tista’ tisgħar.

 

Il-ħsibijiet jitkaxkru

Taħt id-dellijiet tas-siġar

U xrara ma tkebbisx

Żernieq ieħor.

 

Alfred Grech

16/04/2024.