Għax Jiena.

 

Għax jiena ridt inkun mal-ġgajta mnebbħa,

Li tifrex il-qawsalli kullimkien

Fil-qigħ ta’ baħar fond ukoll ridt nogħodos,

Ma nħalli xejn kif qiegħed jew kif kien.

 

Għax jiena nogħola ridt fuq ġwienaħ l-għana,

U mmiss il-kwiekeb b’idi ta’ bil-lejl,

U noħlom ħolm li qajla tista’ tfissru,

U s-seher ngħix fi spazji ta’ bla kejl.

 

Għalhekk m’għandix għalfejn inħares lura,

Twebbilt u hekk għamilt matul is-snin,

Stagħġibt għall-kemm il-darba kif wasalna

S’hawnhekk, u dan għax Alla hu ħanin.

 

Alfred Grech.

20/04/2024.