189.

 

U forsi tibża’ tbexxaq il-purtiera

Tibża’ minn dak li għandha x’tgħid l-udjenza,

Tiddejjaq ’k ma jagħtukx l-applaws mistenni

Tiddejjaq xħin qed tfittex ix-xintilli

Ta’ kwiekeb illi jaqgħu bla ma tiftaħ

Il-kaxxa ta’ Pandora sabiex tara

Jekk flok xortik issibx li qiegħed tfittex,

Teżor li kulħadd għandu iżda bosta

Ma jafux bih, u jiġru wara l-loqom.

L-għadu mhu ħadd: hu biss il-ħsieb li jbiegħedek

Minnek stess biex minflok tiġġieled tibqa’

l-imtieħen tar-riħ. Ieqaf minn dan il-ġiri,

ġlidiet li mhux se ssib il-kliem għalihom,

għaliex xħin tieqaf taħseb is-skiet jinbidel.

 

Alfred Grech

02/03/2024.