185.

 

Imqar jekk kont ħaruf tas-sagrifiċċju

Li  refa’ fuq spallejħ it-toqol kollu

Kien hemm xi waqt li stajt minn dil-bixkilla

Noħroġ u nsib ħelsien mid-dwejjaq

Ta’ min sar gladjatur mhux b’għażla tiegħu.

Dan waqt kien, ta’ dulur u ta’ stmerrija

Xħin smajt treddin li ġej mill-kamra l-oħra

U ’ntbaħna li m’aħniex fuq l-istess mewġa.

Int issa qiegħda tħossok kif qed tħossok

U jiena ma fhimt xejn jew fhimt ħaġ’oħra.

Int sirt ġo ġenbi xewka li tniggiżni

U jien minflok ma ħrabt qagħadt hawn nissallab,

U waqa’ f’daqqa waħda skiet bejnietna

Għaliex intbaħna t-tnejn bl-iżball l-għamilna.

 

Alfred Grech

02/12/2023.