Lanqas Jien Ma Kont Infittex.

 

Lanqas jien ma kont infittex sbieħ il-jum

Jien kont mitluf fil-labirint ta’ bla dħul u ta’ bla ħruġ

Biex noħroġ il-kamla ta’ moħħi

Mit-toqob tagħha.

Ix-xema lanqas semgħetu t-talb tiegħi

Biex jieqaf il-ħmar il-lejl.

Il-ħsieb bħal baħrija

Jekk ma taqbdux jista’ jkunlek

Ta’ malawgurju.

 

Lanqas is-seħer ta’ għodwa xitwija

Ma jqandlu dak li xtaq li tkun taf fuqi

Inkella minn xhiex jien għaddej.

 

Jekk twaqqaf il-ħsieb

Twaqqaf il-ġiri.

 

Jien lanqas kont infittex lili nnifsi

Kont qed nittajjar ġo sema

Li ma jinbidilx

Fuq baħar li ma joffendix.

 

Alfred Grech

06/07/2024.