Baħar Imqalleb

 

Baħar imqalleb li jibdel il-burdati

U jiżfen dik iż-żifna

Skond l-ajru li jitla’

U skond il-qamar.

 

Baħar ta’ħafna xtut

U ta’ bla xefaq

Kaxxa mimlija sorpriżi

F’dejn mara kurjuża.

 

Trid tqum filgħodu kmieni

Biex tqiegħed il-ħolm fuq l-ixkaffa

U tibda tgħix il-ħajja

Bħal amorin fuq l-istaffa.

 

U tibda’l-ħajja ta’kuljum

Mad-daqq tat-tnabar.

 

Xejn ma jneħħi d-dwejjaq u swied il-qalb

Għax hawnhekk trid togħdos

F’ilma mdardar fejn jgħumu l-klieb il-baħar

Li jirrifletti l-kwiekeb.

 

Alfred Grech

03/03/2024