Poeżija.

 

Jien kont ħallejek waħdek kewkba tiegħi

Tistaħba wara star bħax-xemx li tikfes,

Insejt qawwiet il-ferħ tad-dija tiegħek

Insejt id-dawl li biħ tilluminani.

U jien ħallejtek hemm storduta u għaxja

Bla ebda ħjiel ta’ kif għad trid tistenbaħ,

Tirxoxta, terġa, tqum u tgħidli “hawn qiegħda”!

Bużżieqa tas-sapun lewn il-qawsalla

Għax jiena bħalek bqajt ruħ ta’ bla ħajja

U l-fehema li xi darba rrid nistenbaħ

Imm’issa li rġajt ġejt u bdejt tmellisli

Ħassejt nifs il-ħolqien mill-ġdid ġo fiha,

Malajr il-pinna qbadt u bdejt inħarbex

Mill-ġdid ħassejtek ġejja O poeżija!

 

Alfred Grech.

24/10/25.