Dis-Sena Wkoll.

 

Dis-sena wkoll lesta biex tgħaddi

Taħt il-koppla ta’ nifs l-għabex

Fil-kurituri iserrpu ma-velu taċ-ċpar

Ilissinu sigrieti ta’ jiem  mhumiex mgħaduda.

Il-kliem jiltwew, jitbewsu ma xulxin imbagħad jinfirdu

Jintifu mal erwieħ fil-labirint minsuġ miż-żmien

Biex isiru l-irmied tas snin l’għaddew.

Kull pass mistoqsija,

Kull liwja motiv

Ifittex dak li qatt ma jista’ jkun.

Int qed tinbidel

L-istess bħall-poeżija.

Dis-sena wkoll taret mal-għabra

Tal-knis mal-ħina għaddej

Jgħaddi lil kulħadd biż-żmien

 

Alfred Grech

31.12.2024