Skiet Is-Sebħ.

 

Fis-skiet is-sebħ

Il-ħolqien jistenbaħ

U fuq ġwienaħ il-għana

l-imħabba tibda ttir

tinxtered bħal ġmiel fuq sħab deħebieni.

Kull raġġ isir misteru ħanin

Jaħsel il-blat, il-baħar

U l-qalb tal-ħlejjaq kollha.

Trid tiftaħ qalbek

Għal dak li tħoss

Għal dak li jiddi

Bħall-ewwel raġġ tax-xemx fuq wiċċ l-ilma.

Trid tħaddem fommok

Bil-lingwaġġ tal-imħabba

Bħal ġnien li jċedi l-frott

Għal min iżuru.

Alfred Grech

12/10/2024