Imqar Is-Sħab.

 

Imqar is-sħab tilef lewnu

U jien fittixt qawsalla

Fl-għelm tal-paċi.

 

Beka wkoll il-qamar

Li ma sabx fejn jistaħba

U l-ixjeħ kwiekeb jitfgħu bdew

Dawl għajjien

Dawl primordjali.

 

Ċenturjun baqa’ bejn ħaltejn

Jinżgħax l-għelmu

Inkella jħalli l-biża’ jirkbu.

 

It-tkexkixa ma kienetx biss

Minħabba l-fewġa kiesħa

Inkella għax tela’ l-ajru.

 

Is-srieq mhumiex jitkaxkru

Saru leħħiet ta’ beraq

U sajjetti.

 

Imqar is-sħab tilef lewnu

U jien fittixt qawsalla

Fl-għelm tal-paċi.

 

 

Alfred Grech

Ġimgħa l-Kbira

29/03/2024.