F’Jum IL-Mara ‘24

 

Imqar il-warda tad-deżert

Tistaqsi lill- qtar ta’ xita li qatt ma jinżel.

 

Inti timxi fuq is-sħab

U tgħum f’wiċċ l-ilma

U taf sew fejn għad trid tasal.

Kuruna fuq rasek

U ngħollik fuq l-ogħla pedestall.

Imbagħad għada nfittxek biex insibek

Qaddejja fit-tfassil tal-ħolqien

Fit-tkattir tal-multitudni.

Nittama li xħin naqsam għan-naħħa l-oħra

Insibek b’dirgħajk miftuħa tistennieni.

 

Il-warda tad-desert tibqa’ tistaqsi

Għaliex trid tibqa’ tgħix bit-tama.

 

Alfred Grech

08/03/2024