Kemm Ser Idum Dal-Limbu.

 

Kemm ser idum dal-limbu li fiħ dħalna,

Il-baħħ bla ħjiel, hemm biss tgerrim is-susa

Turik li ż-żmien għaddej u qed titmermer

U jdum kull waqt biex jgħaddi, kollox sieket?

 

Il-kliem ma jsibx mnejn jinfed, hemm il-ħsejjes

Tal-ħsibijiet imħawda u ta’ bla mira,

Ifittxu triq għall-barra minn did-dalma

Ħelsien minn dan il-ħabs tad=demm u l-laħam.

 

Issa, jew tgħix għal dejjem, jew tintesa’.

 

Alfred Grech

08/03/2025