Ħalliha.

 

Ħalliha din ix-xewqa li trid taħkem

U tieħu taħt idejk dak li mhux tiegħek,

Ħalliha li trid tkun eroj kull darba

Konkwistatur tal-ħolm u l-bżieżaq fl-arja.

 

Dawk huma bżieżaq fl-aja li jinfaqgħu,

Xbihat, bnedmin jikrieħu jew jixjieħu,

Triqat li minnhpm ġa għaddejt u drajthom

U taf xi tħoss xħin tgħaddi s-sensazzjoni.

 

Daqlwaqt ma jibqa’ xejn għajr it-tifkira

Tal-ors, ta’ dan il-ġiri dis-sbuħija

Dal-paradoss ta’ ħajja efimerali

U xejn li ma jidhirx għajr dak li jidher.

 

Alfred Grech

18/12/2024