Qatt La Tiġi.

 

Qatt la tiġi biex taqsam ix-xmara

Qatt issejjaħ l-iħirsa minn rajk,

Qatt ittawwal il-bogħod ta’ bejnietna,

Qatt tistaħba fid-dlam ta’ warajk;

 

Iżda, ejja u fittixni fl-inħawi

Fejn il-ħarsa tintilef fis-skiet;

Ejja u imraħ fil-beraħ ta’ qalbi

U fil-fwieħa taż-żiffa l’għaddiet.

 

Jien niftaħlek il-bieb tad-dar tiegħi,

Jien nifrixlek tapit aħmar nar,

Fi ġnien l-Għeden biex nieklu mill-frotta

Imqar jekk nibqgħu ngħixu ta’ fqar.

 

Alfred Grech

30/01/2024